Parıjde salmaǵy 364 keli meteorıt aýktsıonǵa qoıyldy
NUR-SULTAN. QazAqparat - Parıjde aspannan Jerge qulaǵan salmaǵy 364 keli meteorıt aýktsıonǵa qoıyldy, dep habarlaıdy QazAqparat Lucien aýktsıon úıiniń saıtyna silteme jasap.
Parıjde 21 qazanda ótetin aýktsıonda Jerge túsken aspan deneleri satylady. Onyń basty eksponaty – HІH ǵasyrdyń aıaǵynda Jerge qulaǵan salmaǵy 364 keli tartatyn Mon De meteorıti. Ol – Frantsııadan tabylǵan meteorıtterdiń ishindegi úlkendigi jaǵynan úshinshisi. Sarapshylar aspan denesin 80-120 myń eýro aralyǵynda baǵalap otyr.
Aýktsıonǵa qoıylǵan taǵy bir lot – salmaǵy157 keli meteorıt. Ony 1968 jyly Frantsııanyń soltústik-shyǵysyndaǵy Ob departamentinen fermer taýyp alǵan. Onyń quny – 30-50 myń eýroa aralyǵynda.
Meteorıtterden tys, NASA túsirgen fotosýretter, Le Parisien jáne France Soir gazetteriniń Apollo 11 mıssııasyna arnalǵan nómirleri, Aı beınelengen konvertter de aýktsıonǵa qoıylǵan.
