Parıjde otandastarymyz saılaý ýchaskesi jabylǵanǵa deıin daýys berdi
PARIJ. 16 qańtar. QazAqparat /Dımash Syzdyqov/ - Frantsııadaǵy QR Elshiliginde qurylǵan №124-inshi saılaý ýchaskesinde depýtattarǵa daýys berý ýchaskeniń jabylǵanyna deıin jalǵasty.
Bul týraly QazAqparatttyń tilshisine Parıj saılaý ýchaskesi komıssııasynyń tóraǵasy, Frantsııadaǵy QR keńesshi-elshisi Jan Ǵalıev málim etti.
Qazaqstandyq dıplomattyń sózine qaraǵanda, Frantsııada ýaqytsha nemese turaqty turyp jatqan Qazaqstan azamattary saılaýda belsendilik, azamattyq jaýapkershilik tanytty. «Jergilikti ýaqyt boıynsha 19. 50 mınýt ketkenge deıin, ýchaskeniń jabylatynyna qaramastan, bir top stýdentter ózderiniń paryzyn oryndaýǵa, daýys berýge keldi», - dedi J. Ǵalıev.
Anyqtalǵan málimetter boıynsha, Parıjde tirkelgen 181 saılaýshynyń 88 -i daýys bergen. «Nur Otan» HDP-na 57 adam, Demokratııalyq «Aq jol» partııasyna 6 adam, «QKHP» partııasyna 2, «JSDP» parııasyna 8, «Aýyl» partııasyna 6 adam, «Qazaqstannyń patrıottar partııasyna» - 4, «Ádilet» partııasyna 5 adam daýys berdi», - dedi aýmaqtyq saılaý komıssııasynyń tóraǵasy.
