Parıjde Olımpıadanyń qaýipsizdik jospary júktelgen noýtbýk joǵalyp ketti
ASTANA. KAZINFORM - Dúısenbi kúni keshke 2024 jylǵy Olımpıada kezinde qaýipsizdik sharalaryn uıymdastyrý týraly derekteri bar kompıýter joǵalyp ketti.
«Le Parisien» basylymy mýnıtsıpaldy polıtsııa Parıjdegi Olımpıada oıyndarynyń qaýipsizdik josparlaryn saqtaǵan kompıýter men eki USB kilti bar sómke dúısenbi kúni keshke Soltústik vokzalda (Gar-Dý-Nord) poıyzdan urlanǵanyn habarlady.
Joǵalǵan málimetter Parıj merııasynyń ınjenerine tıesili, ol Kremge bara jatqan poıyzǵa otyrǵan. Jábirlenýshi bergen aqparatqa sáıkes, ol sómkeni oryndyǵynyń ústindegi bagaj bólimine salǵan.
Polıtsııa ókilderiniń aıtýynsha, jábirlenýshiniń poıyzy keshigip, ol basqa reıske aýysýǵa sheshim qabyldaǵan. Sómke ıesi kompıýter men eki USB kiltte qupııa derekter bar ekenin túsindirdi, atap aıtqanda — Olımpıada kezinde mýnıtsıpaldy polıtsııanyń qaýipsizdigin qamtamasyz etý josparlary.
Oqıǵany tergeý aımaqtyq kólik polıtsııasyna júkteldi.
Frantsııa astanasynyń bıligi aǵymdaǵy jyldyń 26 shildesinen 11 tamyzyna deıin ótetin Olımpıada oıyndary kezinde qalalyq polıtsııanyń 2 myń qyzmetkerin jumyldyrýdy josparlap otyr.
