Parıjde Olımpıada-2024 qarsańynda trıatlonnan jarys ótti

BRıÝSSELЬ. QazAqparat – Búgin Parıjdegi Sena ózeninde trıatlonnan jarys bastaldy. Bul is-shara kelesi jyly Frantsııada ótetin 33-shi Olımpıada oıyndaryna daıyndyq aıasynda uıymdastyryldy, dep habarlaıdy QazAqparat menshikti tilshisi.

Beısenbiden jeksenbige deıin trıatlonshylar men para-trıatlonshylar Parıjdiń qaq ortasynda Aleksandr III kópirinde júzip, Frantsııa astanasynyń ortalyq aýdandarynda, sonyń ishinde Elıseı alańdarynda velosıped tebedi jáne júgiredi.
Trıatlonnan jarys baǵdarlamasyna mynalar kiredi: 1,5 km júzý, 40 km velosıped jarysy jáne 10 km qashyqtyqqa júgirý.
Sonymen qatar, Sena ózenindegi sýdyń sapasy uıymdastyrýshylar men jurtshylyqtyń nazaryn aýdaryp otyr, onda aǵymdaǵy júzý jarystarynyń bir bóligi, al kelesi jyly Olımpıada oıyndary ótedi.
Birqatar BAQ sýdyń sapasy qajetti normalarǵa sáıkes kelmeýi múmkin dep sanaıdy. Nóser jańbyr qaýip tóndirip tur, bul Parıj káriz júıesiniń tolyp ketýine jáne onyń ózenge tógilýine ákeledi, saldarynan qaýipti bakterııalar sýdy lastaýy múmkin.
Senada shomylýǵa 1923 jyldan bastap tyıym salynǵan. 1990 jyly Parıj qalasynyń meri, keıinirek Frantsııa prezıdenti bolǵan Jak Shırak ózendi shomylýǵa qaýipsiz etýge ýáde berdi.
Qazirgi ýaqytta Frantsııa bıligi ony Olımpıada oıyndaryna daıyndaý úshin Senadaǵy sýdyń sapasyn jaqsartý sharalar keshenin qabyldaýda.