Parıjde Nurǵısa Tilendıevtiń 100 jyldyǵy toılandy
ASTANA. KAZINFORM – Parıj qalasyndaǵy ıÝNESKO shtab-páterinde qazaqtyń kórnekti kúıshi-kompozıtory, dırıjer Nurǵısa Tilendıevtiń 100 jyldyǵyna arnalǵan «Ǵasyr áýenderi: Tilendıevke taǵzym» atty merekelik kontsert ótti.
Dara tulǵanyń ǵasyrlyq mereıtoıy – tek Qazaqstan úshin emes, búkil álem úshin de mańyzdy oqıǵa. Bul data ıÝNESKO-nyń halyqaralyq deńgeıde atalyp ótetin mereıtoılar tizimine engen.
Mádenıet jáne aqparat mınıstrligi baspasóz qyzmeti málimetinshe, is-sharaǵa Qazaqstan Respýblıkasynyń Mádenıet jáne aqparat mınıstri Aıda Balaeva, dıplomatııalyq korpýs pen shyǵarmashylyq zııaly qaýym ókilderi qatysty.
– Búgin Parıj tórinde, ıÝNESKO-nyń mártebeli shtab-páterinde qazaq halqynyń uly kompozıtory Nurǵısa Tilendıevtiń 100 jyldyǵy joǵary deńgeıde toılanyp otyr. Qazaq mýzykasy men óneriniń ıÝNESKO aıasynda laıyqty baǵalanýy – memleketimiz úshin úlken mártebe. Nurǵısa Tilendıevtiń shyǵarmalary – qazaq halqynyń rýhanı álemin pash etýmen qatar, jalpyadamzattyq qundylyqtardy dáripteıtin bıik óner týyndylary, – dedi Aıda Balaeva quttyqtaý sózinde.
Іs-sharanyń basty maqsaty – ulttyq mádenı muranyń baılyǵyn, kópǵasyrlyq dástúrler men halqymyzdyń mádenıetin álemge nasıhattaý. Kontsert baǵdarlamasynda kompozıtordyń tanymal týyndylaryn «Otyrar sazy» orkestri oryndady. Ujymnyń kórkemdik jetekshisi ári dırıjeri – qyzy Dinzýhra Tilendıeva.
Sonymen qatar ıÝNESKO sahnasynda Qazaqstannyń belgili ártisteri Svetlana Aıtbaeva, Álisher Kárimov, Farhat Kýbıev, Gaýhar Jumaǵulova, Asqar Muqııat, Abaı Qoıshybaev, Rasýl Jarmambetov, Nurǵalym Amanbaı, Aıagóz Haırýllına, Juldyz Baıjuma óner kórsetti.
Nurǵısa Tilendıevtiń shyǵarmashylyǵy Qazaqstan mádenı murasynyń ajyramas bóligine aınaldy. Onyń qalamynan 500-den astam mýzykalyq shyǵarma týyp, 50-den astam dramalyq qoıylym men 20 kórkem fılmge mýzyka jazdy.
Nurǵısa Tilendıev Abaı atyndaǵy Qazaq memlekettik akademııalyq opera jáne balet teatrynyń, Qurmanǵazy atyndaǵy halyq aspaptary akademııalyq orkestriniń bas dırıjeri qyzmetin atqardy, keıin ózi «Otyrar sazy» folklorlyq-etnografııalyq orkestrin quryp, ujymnyń kórkemdik jetekshisi boldy.
Parıjdegi ıÝNESKO shtab-páterinde Nurǵısa Tilendıevtiń 100 jyldyǵyna arnalǵan kontsert ótetinin jazǵan bolatynbyz.
Bishkekte A.Maldybaev atyndaǵy Qyrǵyz ulttyq teatry sahnasynda Qazaqstan Respýblıkasynyń halyq ártisi, tanymal kompozıtor jáne dırıjer Nurǵısa Tilendıevtiń týǵanyna 100 jyl tolýyna oraı «Álqıssa» atty shyǵarmashylyq kesh ótti.
Máskeýdegi «Gelıkon-opera» mýzykalyq teatrynda uly qazaq kompozıtory Nurǵısa Tilendıevtiń 100 jyldyǵyna arnalǵan «Álqıssa» atty shyǵarmashylyq kesh boldy.
Beıjińde Nurǵısa Tilendıevtiń mereıtoıyna arnalǵan mádenı kesh ótti.