Parıjde Materatstsıdi basymen uryp jatqan Zıdannyń eskertkishi ornatyldy
ASTANA. 28 qyrkúıek. QazAqparat - Frantsııanyń fýtboldan quramasynyń kapıtany Zınedın Zıdan men Italııanyń ulttyq komandasynyń qorǵaýshysy Marko Materatstsıdiń arasyndaǵy jaıtqa arnalǵan eskertkish Parıjde ornatyldy.
Bul týraly Eýrazııa birinshi arnasy habarlaıdy.
«Interfaks-Kazahstan» habarlaǵandaı, Jorj Pompıdý atyndaǵy Ulttyq óner jáne mádenıet ortalyǵynyń aldyna ornatylǵan bes metrlik eskertkish frantsýzdyq fýtbolshynyń Materatstsıdiń keýdesin baspen uryp jatqan sátin beıneleıdi.
Esterińizge sala keteıik, sol oıynnyń 110-shy mınýtynda Zıdan Materatsııdiń ashý-yzasyn shaqyrǵan sózine shydaı almaı, ony baspen urǵan bolatyn. Sonyń saldarynan ol alańnan qýylyp, nátıjesinde ıtalıandyqtar álem chempıony atandy. Al jaqynda aǵylshyndyq Manchester qalasy ákimdiginiń «Manchester ıÝnaıted» klýbyna komandanyń bas bapkeri Aleks Fergıýsonnyń eskertkishin ornatýǵa ruqsat bergeni belgili boldy. Úsh metrlik músin jaqynda Fergıýson esimi berilgen «Old Trafford» alańynyń soltústik trıbýnasyna ornatylady.
