Parıjde Lıvııadaǵy adam saýdasyna qarsy sherý ótti
ASTANA. QazAqparat - Parıjde adam saýdasyna qarsy sherý sońy tártipsizdikterge ulasyp ketti. Bul týraly Habar 24 habarlaıdy.
Ereýilge CNN arnasynyń efırinde Lıvııada qul saýdasymen aınalysatyndar týraly fılmniń kórsetilýi sebep bolǵan.
Fılmde Afrıka elderi azamattarynyń quldyqqa satylyp jatqany túsirilgen kadrlar kórsetilgen. Sherýshiler Frantsııa úkimetiniń bul máselege qatysty tis jarmaı otyrǵanyn synǵa alyp, kóshege shyǵyp bas kótergen. Narazylyq sharasynan keıin olar tártip saqshylarymen qaqtyǵysqa túsken, alaıda zardap shekkender men ereýilge shaqqan adamdardyń naqty sany ázirge jarııalanǵan joq.
«Kóbinese qara násildiler saýdaǵa shyǵarylady. Qazir XXI ǵasyr ǵoı. Ár adamnyń erkindikke quqyǵy bar. Al Lıvııadaǵy jaǵdaı jantúrshigerlik», - dedi sherýshi Evan Mıolard.
