Parıjde Lıon vokzaly mańyndaǵy órt poıyzdar qozǵalysyna kedergi keltirdi
PARIJ. QazAqparat - Bersı býlvarynda ornalasqan Lıon vokzaly mańynda órt shyqty, dep habarlaıdy QazAqparat euronews.com-ǵa silteme jasap.
Órt tústen keıin Bersı býlvaryndaǵy vokzalǵa jaqyn jerde shyqqan. Osy aýdandaǵy Accor Hotel Arena kesheninde kontserti ótýi tıis bolǵan kongolyq ánshi Fallı Ipýpaǵa demonstranttar qarsy shyqqan. Polıtsııa narazy topty toqtatýǵa tyrysqan kezde olar qoqys konteınerleri men turaqta turǵan kólikterdi órteı bastaǵan.
Narazylyq bildirýshiler Kongo Demokratııalyq Respýblıkasynyń eks-prezıdenti Jozef Kabılany jáne onyń murageri Felıks Chısekedıdi qoldaǵan Fallı Ipýpa Frantsııada óner kórsetpeýi tıis dep sanaıdy.
Buǵan deıin frantsýz astanasynyń bıligi tártipsizdikterden qorqyp, ereýil ótkizýge tyıym salǵan bolatyn.
Gar-de-Lıon jáne Bersı metro stansalarynyń jumysy toqtatyldy. El astanasyndaǵy jer asty poıyzdary men qala mańyndaǵy elektr poıyzdar júrýde. Órt sóndirýshiler jalyndy juma kúni keshke órt sóndirdi.
Parıjdik prefektýra men Frantsııa ІІM basshysy sherýge shyqqandardyń áreketin aıyptady. 37-den astam adam ustalyp, 50-ge jýyǵyna aıyppul salyndy.
