Parıjde kýrerden 150 myń eýronyń zergerlik buıymdary urlandy
ASTANA.KAZINFORM - Oqıǵa 22 jeltoqsan kúni Frantsııa astanasynyń 20-shy aýdanynda boldy. Belgisiz shabýyldaýshy zergerlik dúkenge bara jatqan Parıj kýrerinen zergerlik buıymdar, sonyń ishinde 150 myń eýroǵa baǵalanǵan sapfırdi urlap ketken, dep habarlaıdy Kazinform agenttginiń menshikti tilshisi.
Le Figaro gazetiniń habarlaýynsha, kýrer kóligin turaqqa qoıyp, shyqqan. Kútpegen jerden oǵan belgisiz bireý júgirip kelip, basynan uryp, zergerlik buıymdar salynǵan sómkesin alyp ketken. Onda sapfırden basqa 10 000 eýroǵa baǵalanǵan altyn buıymdar da bolǵan.
Artynsha qylmysker oqıǵa ornynan mopedpen qashyp ketken.
Bul isti tergeý bandıtızmge qarsy bólimge (BRB) júktelgen. Alaıda, zergerlik buıymdar men qaraqshy áli tabylǵan joq, al jaraqat alǵan kýrer aýrýhanaǵa jatqyzyldy.
Metropolıten halqy 10 mıllıonǵa jetetin Parıjde zergerlik dúkender men murajaı galereıalaryn tonaý oqıǵalary jıilep barady. Urlyqtardyń quny júzdegen myń eýroǵa baǵalanady.
Buǵan deıin Napoleon saqınasy urlanǵany týraly jazǵanbyz.