Parıjde qazaq-qyrǵyz aıtysy ótedi

ASTANA. KAZINFORM — 17 mamyrda Frantsııanyń Parıj qalasynda qazaq-qyrǵyz aıtysy ótedi, dep jazady Kabar.

Bul týraly Jogorký Keneshtiń otyrysynda depýtat Mırlan Samyıkojo habarlady.

Onyń aıtýynsha, mundaı halyqaralyq aıtys saıysy Qyrǵyzstan tarıhynda alǵash ret uıymdastyrylyp otyr. Іs-shara Qyrǵyzstannyń Frantsııadaǵy elshisi Sadyq Sher-Nııazben birlesip uıymdastyrylady.

— Biz Jogorký Kenesh depýtaty Shaıyrbek Tashıevpen jáne elshi Sadyq Sher-Nııazben birge mádenıetimizge úles qosý maqsatynda qyrǵyz-qazaq aıtysyn ótkizýdi sheshtik. Meniń oıymsha, bul bolashaq úshin mańyzdy tarıhı oqıǵa bolmaq. Qyrǵyz sózi, qyrǵyz tili búkil álemde shyrqalsa, komýz álemniń túkpir-túkpirinde áýelese, al bizdiń aqyndar halyqtardyń birligi men yntymaǵyn, qyrǵyzdar men qazaqtardyń dostyǵyn jyrlasa, bul óte jaqsy bolar edi, — dedi Mırlan Samyıkojo.

Osyǵan deıin Petropavlda Ulystyń uly kúnine oraı respýblıkalyq aqyndar aıtysy ótkenin jazǵanbyz.