Parıjde Qazaqstan týraly taldamalyq baıandama shyǵaryldy
PARIJ. KAZINFORM - Frantsııanyń «Choiseul» geostrategııalyq ınstıtýty «Qazaqstan: orta derjava, qalyptasyp jatqan alyp el» («Kazakhstan: puissance moyenne, géant en devenir») atty taldamalyq baıandama shyǵardy. Avtorlary – ınstıtýt prezıdenti Paskal Loro jáne onyń keńesshisi Per Verlık. Bul týraly Syrtqy ister mınıstrliginiń baspasóz qyzmeti málimdedi.
Іs-sharaǵa Qazaqstan tarapynan Parıjge jumys saparymen kelgen Ónerkásip jáne qurylys mınıstri Qanat Sharlapaev, Qazaqstannyń Frantsııadaǵy Elshisi Gúlsara Arystanqulova, al frantsýz tarapynan – Elıseı saraıynyń, SІM, basqa da memlekettik organdardyń ókilderi, kompanııa basshylary, qoǵam qaıratkerleri men sarapshylar qatysty.
Іs-shara barysynda avtorlar baıandamanyń negizgi mazmunymen tanystyrdy. Atap aıtqanda, ol Prezıdent Qasym-Jomart Toqaev bastamashylyq etken saıası jáne áleýmettik-ekonomıkalyq reformalardy, elimizdiń Ortalyq Azııa óńirindegi kóshbasshy retindegi ekonomıkalyq damýyn, sondaı-aq Qazaqstannyń kópvektorly saıasaty men halyqaralyq arenadaǵy rólin taldaıtyn úsh bólimnen turady.
Baıandamada Qazaqstannyń Shyǵys pen Batys arasyndaǵy baılanystyrýshy kópir retindegi strategııalyq mańyzy, onyń halyqaralyq saıasat pen ekonomıkadaǵy ósip kele jatqan róli, sondaı-aq eldiń jahandyq kún tártibine qosyp jatqan qomaqty úlesi erekshe atalyp ótti.
Qazaqstannyń EYDU-dyń ozyq tájirıbeleri men standarttaryn ımplementatsııalaýǵa berik beıildiligine jáne osy baǵytta qol jetkizilgen eleýli progressine basa nazar aýdarylady. Frantsýz mamandarynyń pikirinshe, bul jetistik de elimizdiń Ortalyq Azııa óńirindegi ekonomıkalyq damýdaǵy kóshbasshylyǵyn rastaıdy.
«Choiseul» sarapshylary óz taldaýlarynda Frantsııanyń Qazaqstanmen strategııalyq áriptestik sıpatyna ıe yntymaqtastyǵyna erekshe kóńil bóledi. Olar frantsýz bıznesin «jaqyn bolashaqta halyqaralyq deńgeıde yqpaldy alyp elge aınalýǵa qabiletti» elmen yntymaqtastyqtyń tyń múmkindikterin paıdalanýǵa shaqyrdy.
Іs-shara sońynda pikir almasý ótti. Onyń barysynda frantsýz aýdıtorııasy Qazaqstanda ınvestorlarǵa memlekettik qoldaý sharalaryna, energetıkalyq aýysý jáne jańa tehnologııalardy damytý, jasandy ıntellektti qosa alǵanda tsıfrlandyrý máselelerine joǵary qyzyǵýshylyq tanytty. Sonymen qatar, birqatar frantsýz kásiporyny («Vicat», «Air Liquide» jáne t.b.) jáne «Báıterek» holdınginiń dırektorlar keńesiniń táýelsiz múshesi Qazaqstandaǵy sátti jumys tájirıbesimen bólisti.
Qazaqstan týraly «Choiseul» analıtıkalyq baıandamasy saıasatkerler, iskerler, zertteýshilerden bastap, Qazaqstannyń qazirgi álemdegi róli men geostrategııalyq mańyzyn túsinýge umtylatyn azamattarǵa deıin oqyrmandardyń keń aýqymyna arnalǵan.
Aıta keteıik,«Choiseul» halyqaralyq saıasat jáne geoekonomıka ınstıtýty – halyqaralyq qatynastardy, ekonomıkalyq jáne saıası strategııalardy, sondaı-aq halyqaralyq mádenıetterdi taldaýmen aınalysatyn táýelsiz zertteý ortalyǵy. Ol turaqty túrde Frantsııa úshin strategııalyq qyzyǵýshylyq týdyratyn salalar nemese sheteldik seriktester boıynsha taldamalyq baıandamalar shyǵarady.
