Parıjde «Qazaqstan ǵajaıyptary» fotokórmesi ashyldy (FOTO)
ASTANA. QazAqparat - Parıjde, Carrousel du Louvre galereıasynda «Qazaqstan ǵajaıyptary» fotokórmesi ashyldy, dep Facebook-te Qazaq geografııalyq qoǵamdastyǵy habarlady.
«Kórmege daryndy qazaqstandyq fotograftardyń: Ilıa Afanasev, Maksım Zolotýhın, Álı Ospanov, Áset Bahetan, Turar Qazanǵapov, Konstantın Kıkvıdze, Sársenbek Qyzaıbek, Nastasıa Malıv, Erbolat Shadrahov jáne Baýyrjan jumystary qoıyldy», - delingen habarlamada.
Uıymdastyrýshylar kelýshilerge kórmege qoıylǵan jumystardyń arqasynda Qazaqstannyń tabıǵaty, dástúrleri men adamdary jaıly kóp nárse bilýge bolatynyna sóz berdi.
Kórme 9 maýsymǵa deıin bolmaq, kirý tegin. Kelýshilerdiń barlyǵy eki adamǵa arnalǵan Qazaqstanǵa joldama sarapqa qoıylatyn utys oıynyna qatysa alady.
