Parıjde Qazaqstan-Frantsııa І ınvestıtsııalyq forýmy ótti
Forýmǵa FR Eýropa jáne syrtqy ister mınıstrliginiń (ESІM) Memlekettik hatshysy Jan-Batıst Lemýan, QR SІM Investıtsııalar komıtetiniń tóraǵasy Erlan Qaıyrov, QR Frantsııadaǵy elshisi Jan Ǵalıev, Frantsııanyń QR-daǵy elshisi Fılıpp Martıne, Kazakh Invest basqarma tóraǵasy Saparbek Tuıaqbaev, sonymen qatar eki eldiń bıznes-qaýymdastyqtarynyń ókilderi qatysty.
Forýmnyń ashylýynda elshi Jan Ǵalıev frantsııalyq qatysýshylardy Qazaqstan Prezıdentiniń Astana ekonomıkalyq forýmynda sóılegen sóziniń, «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» joldaýy jáne «Bes áleýmettik bastamasynyń» halyqaralyq bıznes úshin qyzyqty tustarymen tanystyryp ótti.
Óz kezeginde Erlan Qaıyrov ótken jyly sheteldik ınvestıtsııalardyń shamamen tórtten bir bóligi óńdeý ónerkásibine baǵyttalǵanyn málimdedi.
«Bul Qazaqstannyń munaı ónerkásibinen basqa salalarda da tartymdy bola bastaǵanyn bildiredi. Biz halyqaralyq standarttar boıynsha jumys isteımiz, ótken jyly Qazaqstan EYDU Investıtsııalar komıtetiniń múshesi boldy», - dedi E. Qaıyrov.
Sonymen qatar, Jan-Batıst Lemýan Qazaqstanmen áriptestiktiń mańyzdylyǵyn atap ótti.
«Biz Qazaqstanmen strategııalyq áriptestik týraly aıtqanymyzda, bul úlken iske asady dep aıta alamyn. Bul áriptestikke jańa dem berip, ekonomıkalyq, saıası erekshelikterdi eskere otyryp, nyǵaıtý kerek. Qazaqstannyń jekeshelendirý baǵdarlamasy - bul óte qyzyqty taqyryp. Usynylyp otyrǵan qazaqstandyq yntymaqtastyqqa ún qata alatyndaı Frantsııada quzyrettilik bar dep oılaımyn», - dedi Jan-Batıst Lemýan.
Kazakh Invest basqarma tóraǵasy Saparbek Tuıaqbaev Ortalyq Azııa elderiniń JІÓ-ne ınvestıtsııalardyń ⅔ jýyǵy Qazaqstanǵa keletinin atap ótti. Sonymen qatar ol sheteldik ınvestorlardy qoldaýdyń qoldanystaǵy tetikteri, sonyń ishinde AHQO-nyń qarjylyq quraldarynyń keń spektri arqyly qoldaý týraly aıtty.
Kazakh Invest aqparaty boıynsha, qazirgi tańda Qazaqstanda jumys istep jatqan álemdik kompanııalarǵa 500 mln-nan astam adamnan turatyn naryq qoljetimdi. Qazaqstan arqyly quramyna bes temirjol jáne alty avtomobıl halyqaralyq baǵdarlary, sonyń ishinde zamanaýı transkontınentaldyq «Batys Eýropa - Bastys Qytaı» avtomagıstrali enetin mýltımodaldyq Eýrazııa kólik dálizi ótedi.
«Bizdiń kólik dálizderimiz Azııadan (Lıanıýngan porty, Qytaı) Eýropaǵa (Dýısbýrg porty, Germanııa) nemese keri qaraı shamamen 10-15 kún ishinde júk jetkizýge múmkindik beredi, bul teńizben tasymaldaýǵa qaraǵanda eki-úsh ese tezirek. Konteınerlik tasymaldaýlar eki ese ósti dep aıta alamyn», - dedi S. Tuıaqbaev.
Frantsııa bıznesmenderine ekonomıkanyń ulttyq strategııaǵa sáıkes basym salalaryndaǵy 50 taýashalyq joba usynyldy. Atalǵan ınvestıtsııalyq usynystar Deloitte kompanııasymen birlesip ázirlengen.
Budan ózge, forým aıasynda «Qazaqstan «Jańa Jibek jolynda» ınvestıtsııalar jáne eksportqa arnalǵan platforma retinde», Qazaqstanǵa sheteldik ınvestıtsııalar tartý quraldary», sondaı-aq «Ekonomıkany tsıfrlandyrý» sessııalarynda talqylaýlar ótti.
Sonymen qatar ınvestıtsııalyq forým aıasynda ECM Technologies jáne «Qazatomónerkásip» arasynda Ózara túsinistik jáne yntymaqtastyq týraly memorandýmdarǵa qol qoıyldy.
Eske sala ketsek, búginde Qazaqstannyń jetekshi saýda áriptesteriniń tiziminde Frantsııa besinshi orynǵa ıe, al frantsýz kompanııalary elimizdiń ekonomıkasynyń asa iri ınvestorlarynyń qatarynda. Qazaqstanda joǵary tehnologııalyq jobalardy iske asyryp jatqan «Total», «Areva», «Danon», «Vıkat», «Pejo», «Alstom» kompanııalaryn jáne t. b. qosqanda Frantsııa kapıtalynyń qatysýymen 130-dan asa kásiporyn tabysty jumys isteýde. QR-ǵa frantsýz kapıtalynyń salymy 2005 jyldan bastap 2017 jylǵy qyrkúıekke deıin $13,9 mlrd qurady. Qazaqstannan Frantsııaǵa tikeleı sheteldik ınvestıtsııalar aǵymy osy kezeń ishinde $29,6 mln qurady.
Qazaqstan men Frantsııa arasyndaǵy Strategııalyq áriptestik týraly kelisimshartqa (2008 j.) qol qoıylǵan sátten bastap, eki el arasyndaǵy taýar aınalymynyń kólemi $43 mlrd asa somany qurady. Qazaqstandyq eksporttyń negizgi túrleri - munaı, metall jáne metall ónimderi, sonymen qatar hımııalyq ónerkásip ónimi. Qazaqstan Frantsııadan elektrlik, elektrondyq jáne mehanıkalyq jabdyqtar, tutyný taýarlaryn, dári-dármek pen kosmetıka, avtomobıl, azyq-túlik, qurylys materıaldaryn ımporttaıdy.
