Parıjde Halyqaralyq ǵarysh sammıti jumysyn bastady
ASTANA. KAZINFORM — Eýropalyq komıssııa tóraǵasy Ýrsýla fon der Lıaıen, atqarýshy vıtse-prezıdentter Henna Vırkkýnen men Stefan Sejýrne jáne qorǵanys jónindegi eýrokomıssar Andrıýs Kýbılıýs 9-10 qyrkúıekte Parıjde ótip jatqan Halyqaralyq ǵarysh sammıtine qatysyp jatyr. Bul týraly Kazinform agenttiginiń menshikti tilshisi habarlaıdy.
Sammıt Frantsııa prezıdenti Emmanıýel Makronnyń bastamasymen Germanııamen birlesip uıymdastyryldy. Memleket basshysy arnaıy ókildikke astronavt Toma Peske men kásipker Elen ıÝbıdi taǵaıyndady. Jıynǵa shamamen 2 myń adam qatysyp, 120-ǵa jýyq eldiń delegatsııasy keledi dep josparlanǵan.
Makron Eýropanyń ǵarysh salasyndaǵy derbestigin kúsheıtý qajet ekenin aıtyp, qýatty ári táýelsiz Eýropa qurý úshin ınnovatsııalar men ınvestıtsııany kúsheıtýge úndedi.
— Eýropa óz bolashaǵyn, onyń ishinde ǵarysh salasyndaǵy baǵytyn da, ózi aıqyndaıdy, — dedi ol.
Erteń Eýropalyq komıssııa tóraǵasy Ýrsýla fon der Lıaıen Ortalyq Eýropanyń jazǵy ýaqytymen saǵat 10:15–te negizgi sóz sóıleıdi. Atqarýshy vıtse-prezıdent Henna Vırkkýnen paıdalanýshy qurylǵylaryna spýtnık arqyly tikeleı baılanys ornatýǵa arnalaǵan dóńgelek ústelge qatysady.
Eýrokomıssar Andrıýs Kýbılıýs qorǵanys mınıstrlerimen birge ǵaryshty qorǵanys maqsatynda paıdalaný máselesine arnalǵan sessııaǵa qatysady. Sonymen qatar ol eýropalyq ónerkásip jetekshilerimen birlesip, Eýropanyń jahandyq básekelestiktegi ornyn talqylaıtyn sessııada sóz sóıleıdi.
Sol kúni Eýropalyq odaq Eýrokomıssar Andrıýs Kýbılıýs, Frantsııa mınıstri Fılıpp Batıst jáne Eýropanyń jetekshi ókilderi qatysatyn arnaıy jıyn ótkizedi.
Buǵan deıin Qazaqstan ǵaryshtaǵy spýtnık sanyn 14-ke jetkizetinin jazǵan edik.
Aqzat Jıenalına
