Parıjde «Eıfel» munarasynan polıtseıler bomba izdep jatyr
PARIJ. TASS-QazAqparat - Parıjde bomba týraly belgisiz bireýdiń qońyraýynan keıin «Eıfel» munarasynan kelýshiler men qyzmetkerler evakýatsııalandy, dep habarlaıdy QazAqparat TASS agenttigine silteme jasap.
«Búgin tańerteń polıtsııaǵa jasyryn qońyraý túskennen keıin evakýatsııa jarııalandy. Qazir tártip saqshylary oqıǵa ornyna jetip, qajetti tekserý jumystaryn júrgizip jatyr», - dep málim etken TASS-qa «Eıfel» munarasyn paıdalaný boıynsha kompanııadan. Biraq tekserý qansha ýaqytqa sozylatyny aıtylmady.
TASS tilshisi anyqtaǵandaı, eskertkishtiń aınalasyn áli de polıtsııa qorshap tur. Perımetrdi qarýlanǵan tártip saqshylary kúzetýde.
