Parıjde Eýropadaǵy qazaq dıasporasy jastarynyń konferentsııasy bolady
ALMATY. 20 jeltoqsan. QazAqparat /Erlik Erjanuly/ - Parıjde 24-25 jeltoqsan kúnderi «Eýropadaǵy qazaq dıasporasy jastarynyń sáıkestendirilýi men shoǵyrlanýy máseleleri» degen taqyrypta konferentsııa ótedi.
Ony Eýropa qazaqtary qaýymdastyǵynyń federatsııasy jáne «Qazaqstan - Frantsııa - Túrkııa» mádenı jáne seriktestik qaýymdastyǵy uıymdastyryp otyr. Plenarlyq otyrysta «Eýropa qazaqtary qaýymdastyǵy federatsııasynyń jastar qanaty», «Qazaqtardyń tarıhı otandarynan Batys Eýropaǵa kóshi-qon tarıhy jáne ózge ulttyq ortada qazaqı sáıkestenýin qalyptastyrý» degen taqyrypta baıandamalar tyńdalady. Konferentsııa jumysy túrli sektsııalar boıynsha júredi. Máselen, «Qazaq kóshi tarıhy jáne onyń bolashaǵy» sektsııasynda dıasporanyń qalyptasý tarıhy, etnıkalyq sáıkestik pen ulttyq mádenıetti saqtaý máseleleri qarastyrylady. «Eýropa qazaqtarynyń sáıkestigi men shoǵyrlanýy: til (qazaq, túrik, eýropalyq tilder) máseleleri» sektsııasynda jastardyń arasyndaǵy etnıkalyq sáıkestikke, mádenı baılanys pen yqpaldastyqqa, týǵan tilin meńgerý máselelerine nazar aýdarylady. Al dıasporanyń basqa máseleleri «Qazaq jastarynyń Eýropa men Qazaqstanda bilim alýy», «Tarıhı otan - Qazaqstanmen bolǵan baılanystar» sektsııalarynda jan-jaqty talqylanbaq.
