Parıjde Eýropadaǵy eń úlken aspaly jol iske qosyldy

ASTANA.KAZINFORM - Parıjdiń ońtústigindegi jolaýshylar endi jańa kólik túrine - Câble C1 aspaly jol kóligine aýysa alady, dep habarlaıdy Kazinform agenttiginiń menshikti tilshisi.

Île de France Mobilités operatorynyń málimeti boıynsha, aspaly joldyń uzyndyǵy 4,5 shaqyrymdy quraıdy, bul ony Eýropadaǵy eń uzyn qalalyq aspaly joly. 
Jańa kólik túri Frantsııa astanasynyń ońtústik-shyǵysyndaǵy tyǵyz ınfraqurylymdy jeńildetýge arnalǵan.

Parıj mańyndaǵy jańa metro jelisinde bes stantsııa bar. Ol Vılnev-Sen-Jorj, Lımaı-Brevan jáne Valenton mýnıtsıpalıtetteriniń turǵyndaryn Parıj metro jelisimen baılanystyrýǵa arnalǵan.

Kreteı-Pýen-dıý-Lak stantsııasynda jolaýshylar Parıj ortalyǵyndaǵy Bastılııa, Respýblıka alańy nemese Opera Garne sııaqty oryndarǵa jetý úshin 8-shi Metro jelisine aýysyp, sodan keıin Sena arqyly megapolıstiń ońtústik-batysyna qaraı júre alady.

Kólik kún saıyn on bir myń jolaýshy júre alady, ár vagonda on oryn bar. Bastapqy stantsııadan sońǵy núktege deıingi jol shamamen 18 mınýtty alady. Kólik basqarmasynyń málimeti boıynsha, avtobýspen dál osyndaı jol kem degende 40 mınýt jumsaıdy.

Operator 138 mıllıon eýrolyq jobany júzege asyrý týraly sheshim birneshe temirjol jelileriniń ótetin aımaǵyna jáne qoǵamdyq kólik baǵyttarynyń tyǵyzdyǵyna baılanysty qabyldanǵanyn málimdedi.

Buǵan deıin Qytaıda álemdegi eń uzyn aspaly jol iske qosylǵany týraly habarlanǵan bolatyn.