Parıjde Eýropa qazaqtarynyń eki kúndik basqosýy bastaldy
ASTANA. KAZINFORM — Frantsııa astanasynda qazaq dıasporasy úshin mańyzdy shara — «Eýropa qazaqtarynyń kezdesýi» bastaldy, dep habarlaıdy agenttiktiń EO-daǵy menshikti tilshisi.
Іs-shara Qazaqstan Respýblıkasynyń Frantsııadaǵy Elshiligi, «Otandastar» qory jáne Qazaq-frantsııa-túrik qaýymdastyǵy (AKFT) uıymdastyrýymen, Qyzylorda oblysy ákimdiginiń qoldaýymen ótkizildi.
Tańerteń Parıjdegi Qazaqstan elshiliginde Eýropa elderinde turatyn qandastar men otandastardyń kezdesýi resmı túrde ashyldy.
Parıjge Ulybrıtanııa, Germanııa, Nıderlandy, Fınlıandııa, Ispanııa, Norvegııa, Shveıtsarııa, Frantsııa, Chehııa, Italııa, Portýgalııa, Polsha, Shvetsııa, Danııa, Belgııa, Vengrııa, Túrkııa jáne Mońǵolııadan delegattar keldi.
Ashylý rásiminde Frantsııadaǵy Qazaqstan elshisi Gúlsara Arystankulova, Qyzylorda oblysy ákiminiń orynbasary Ardaq Zebeshev, «Otandastar» qoǵamynyń vıtse-prezıdenti Álibek Jurqadam, Túrkııa Ádilet pen damý partııasynyń tóraǵa orynbasary Rashıda ıÝksel, Qazaq-frantsııa-túrik qaýymdastyǵynyń tóraǵasy Redjep Gıýnaı, sondaı-aq «Tildes KZ» Speaking jobasynyń jetekshisi Larısa Aldabergenova sóz sóıledi.
Óz sózinde elshi Gúlsara Arystankulova Parıjdegi kezdesýdiń shetelde turatyn qazaqtardyń rýhanı birligin nyǵaıtý úshin mańyzdy alań ekenin atap ótti. Ol qazaq halqynyń tarıhı tamyrlary Altyn Orda murasyna baılanysty ekenin jáne Qazaqstannyń Eýropa men Azııa arasyndaǵy senimdi kópir retindegi róli ósip kele jatqanyn jetkizdi. Sondaı-aq, týǵan til, ulttyq rýh jáne tarıhı este saqtaý barlyq qazaqtardy biriktiretin negizgi qundylyqtar bolyp tabylatynyna erekshe nazar aýdardy.
Іs-shara aıasynda «Otandastar» qoǵamy qazaq qaýymdastyqtarynyń basshylary men belsendileri qatysqan dóńgelek ústel uıymdastyrdy. Jıynda qoǵamnyń vıtse-prezıdenti Álibek Jurqadam uıym qyzmeti men júzege asyrylyp jatqan jobalar týraly aqparat berip, qatysýshylardy birlesken bastamalarǵa belsendi qatysýǵa shaqyrdy. Sondaı-aq yntymaqtastyqtyń perspektıvaly baǵyttary men bolashaq birlesken jobalar talqylandy.
Mádenı baǵdarlama aıasynda Qyzylorda oblystyq fılarmonııasynyń ártisteri óner kórsetip, óńirdiń dástúrli qolóner buıymdary kórmesi uıymdastyryldy.
Qandastardyń kezdesýi eki kúnge sozylady. Baǵdarlama aıasynda Garj-le-Goness qalasynda Eýropadaǵy qazaq jastar arasynda fýtbol týrnıri ótedi, sondaı-aq mádenı is-sharalar men ulttyq mádenıetke arnalǵan arnaıy baǵdarlama uıymdastyrylady.
Aıta keteıik, Otandastar qorynyń málimetinshe, sheteldegi qazaqtardyń sany 7 mıllıonǵa jetýi múmkin.
