Parıjde eski mashınalarmen júrýge tyıym salyndy
ASTANA. QazAqparat - Qala bıligi astananyń ortalyq kóshelerinde 19 jyldan asqan eski mashınalardyń júrýine tyıym salatyn qaýly shyǵardy, dep habarlady Life.ru.
Parıj bıligi 1997 jylǵa deıingi shyǵarylǵan mashınalardyń qala ortalyǵynda jumys kúnderi júrýine tyıym saldy. Sondaı-aq astananyń ortalyq bóliginde 2000 jylǵa deıingi mototsıklderdiń de kirýine bolmaıdy. Le Monde basylymnyń habarlaýynsha, mundaı shara Parıj ekologııasyn edáýir jaqsartýǵa múmkindik bermek.
Qaýly kúshi salmaǵy 3,5 tonnaǵa deıingi benzınmen jáne dızelmen júretin jáne kommertsııalyq mashınalarǵa qatysty. Sóıtip, tyıym salynǵan avtomobılder Parıj avtoparki mashınalarynyń 10 paıyzyn quraıdy.
Jańa erejelerdi buzǵan eski kólik ıelerine aǵymdaǵy jyly 35 eýro, al 2017 jyldan bastap 68 eýro aıyppul salý kózdelgen. Qaýly 2016 jylǵy 1 shildeden kúshine enedi. Budan ári Parıj kóshelerindegi mashınalardyń ekologııaǵa sáıkestigi qataıtyla túsetin bolady. Máselen, 2020 jyldan bastap qala kóshelerinde shyǵarylǵanyna 9 jyldan aspaıtyn kólik quraldaryna ǵana ruqsat etilmek.
