Parıjde Erık Satıdiń mýzykalyq festıvalinde qazaqstandyq jas daryn Abdysaǵyn Rahat-Bı óner kórsetýde
ASTANA. 17 mamyr. QazAqparat - Parıjde 16-19 mamyr kúnderi HІH ǵasyrdyń sońy - HH ǵasyrdyń basyndaǵy uly frantsýz modernısti Erık Satıdiń mýzyka festıvali ótýde.
Onyń týyndylaryn Italııa, Anglııa, Shveıtsarııa, Izraıl, Frantsııa, taǵy da basqa álem elderiniń mýzykanttary oryndamaq.
Kontsertti Qazaqstannan barǵan jalǵyz qatysýshy, jas kompozıtor-pıanıst Abdysaǵyn Rahat-Bı óziniń on úsh jasynda jazǵan 6 bólimnen turatyn «Satı stılindegi sıýıta» shyǵarmasymen ashty.
Jas darynnyń týyndysy da, oryndaýshylyq sheberligi de festıval qonaqtarynyń, tyńdarmandarynyń kóńilinen shyǵyp, olar avtorlyq sıýıta uly kompozıtordyń rýhy men stılin, onyń Frantsııada ómir súrgen dáýiriniń atmosferasyn dálme-dál ári sheber jetkizgendigin atap ótti.
Atalmysh festıval - qazaqstandyqtardyń joǵary mýzykalyq jáne zııatkerlik deńgeıi kezekti ret pash etilgen álem mádenıetindegi birden-bir oqıǵa.
