Parıjde dzıýdodan Álem chempıonaty ótedi
ALMATY. 22 tamyz. QazAqparat /Erlik Erjanuly/ - 23-28 tamyz kúnderi Frantsııanyń Parıj qalasynda dzıýdodan Álem chempıonaty bolady.
Oǵan 150-den asa memleketten sportshylar qatysady dep josparlanýda. 2012 jyly Londonda ótetin jazǵy Olımpıada oıyndarynyń upaılary sarapqa salynady. Onda el namysyn 7 salmaqta erler arasynda da, áıelder arasynda da 12 balýan qorǵamaq.
Atap aıtqanda erler quramasynyń bas bapkeri Ashat Jıtkeev - Erkebulan Qosaev, Eldos Smetov (60 kg), Naýryzbek Maılashev, Azamat Muqanov (66 kg), Eldar Záriphanov, Rınat Ibragımov ( 73 kg), Islam Bozbaev, Saıat Shámshıev (81 kg), Tımýr Bolat, Aleksandr Kasachev (90 kg), Maksım Rakov (100 kg), Erjan Shynekeevke (+100 kg) úmit artýda. Áıelder quramasynyń bas bapkeri Erbol Qyrǵyzbaev bolsa Aleksandra Podrıadova (48 kg), Kelbet Nurǵazına (52 kg), Lınara Mınǵazova, Alına Ten (57 kg), Zarına Áldikova, Áıgerim Qydyrbaeva (63kg), Marııam Ordabaeva, Janar Januzynova (70 kg), Ǵalııa Úlmentaeva, Zámzagúl Faızolanova (78 kg), Gúljan Issanova, Zarına Ábdirasylovalarǵa (+78) senim bildirip otyr. Olardyń arasynda Maksım Rakovqa bapkerler zor úmit artýda. Ol 2008 jyly Gollandııanyń Rotterdam qalasynda Álem chempıonatynda qarsylas shaq keltirmeı, qurama qorjynyna altyn medal salǵan bolatyn.
