Parıjde Brıjıt Makron týraly jalǵan aqparat taratqandardyń soty bastaldy

ASTANA. KAZINFORM — Parıjde Frantsııa prezıdenti Emmanýel Makronnyń áıeline qatysty sot protsesi bastaldy. Alaıda jábirlenýshi Brıjıt Makron sotqa qatyspaıdy, dep habarlaıdy VVS.

Aıyptalýshy 8 er adam men eki áıel Emmanýel Makronnyń jubaıyn er adam bolyp týyldy dep jalǵan aqparat taratqan. 

Sottalýshylarǵa 72 jastaǵy Brıjıt pen 47 jastaǵy Makronnyń jas aıyrmashylyǵyna qatysty jala jabý týraly málimdeme jasady dep aıyp taǵyldy.

Brıjıt Makronnyń advokatyna silteme jasaǵan AFP agenttiginiń habarlaýynsha, prezıdenttiń áıeli birinshi sot otyrysyna kelmegen jáne sotqa kelýdi josparlap otyrǵan joq. Esesine onyń qyzy Tıfanı Ozer sotta kýálik bere alady.

On aıyptalýshynyń qatarynda saılanbaly laýazymdaǵy sheneýnik, galereıa ıesi, muǵalim jáne ınternettegi ekstrasens, Amandın Roı laqap atymen jelide óner kórsetetin 51 jastaǵy Delfın Dj. bar. Sondaı-aq ózin táýelsiz jýrnalıst dep ataıtyn Natacha Reı esimdi aıyptalýshy ótken jyly Brıjıt Makronǵa jala japty degen aıyppen sottalǵan.

Eske salaıyq, shilde aıynda Frantsııa prezıdenti Emmanýel Makron zaıyby týraly jalǵan málimdeme jasaǵan áıeldi sotqa bergen bolatyn.