Parıjde belgisiz bireý kóshedegi adamdardy pyshaqpen jaraqattady
NUR-SULTAN. QazAqparat –Parıjdiń ońtústiginde 8 km jerde ornalasqan Vıljıýıfe eldi mekeninde belgisiz bireý ótip bara jatqan adamdardy pyshaqpen jaraqattady. Saldarynan bir adam qaza tapty, dep habarlaıdy QazAqparat VVS-ge silteme jasap.
Basylymnyń habarlaýynsha, polıtsııa shabýyl jasaǵan adamdy atyp óltirgen. Onyń ne sebepti mundaı áreketke barǵany belgisiz.
«Oqıǵa juma kúni jergilikti ýaqytpen saǵat 14:00 kezinde boldy. Shabýyl jasaýshy kezdeısoq ótip bara jatqan adamdardy pyshaqtap óltirmek bolǵan. Al qaza tapqan turǵyndardyń biri 56 jastaǵy er adam saıabaqta áıelimen qydyryp júrgen jáne ony qorǵaımyn dep kóz jumǵan», dep jazady basylym.
Frantsııanyń terrorızmmen kúres prokýratýrasy oqıǵa ornyn zerttep, qylmyskerdiń aty-jónin anyqtap jatyr.
