Parıjde áskerı qyzmetkerlerge shabýyldaǵandardyń biri ustaldy
ASTANA. QazAqparat - Frantsýz polıtsııasy Parıj mańynda áskerı qyzmetkerlerlerge shabýyldaǵan kúdiktilerdiń birin ustady. Bul týraly quqyq qorǵaý organdarynyń derekkózderine silteme jasap Le Figaro so habarlady.
Basylymnyń derekterine sáıkes er adam eldiń soltústigindegi joldyń boıynan ustaldy. Polıtseıler kúdiktiniń kóligin sıpattama boıynsha anyqtady. Júrgizýshini ustaý úshin quqyq qorǵýshylar oq atýǵa májbúr boldy. Ustaý operatsııasy kezinde polıtseılerdiń biri jaraqattanyp qaldy.
Le Figaro derekkózi qaskúnem 1980 jyly týǵan er adam bolyp shyqqanyn aıtty. Óz kezeginde, BFM TV telearnasy ol buryn polıtseı kartotekasynda bolmaǵanyn naqtylady. Sondaı-aq ustalǵan kezde er adam polıtseıdiń kóligin soǵyp ketýge árekettengen.
Budan buryn frantsýzdyń alty áskerı qyzmetshisi Parıj mańynda kólik soqqannan jaraqat alǵany habarlanǵan.
