Parıjde 12 jastaǵy oqýshynyń ólimi qoǵamdyq rezonans týdyrdy

ASTANA. QazAqparat - Parıjde jeksenbi kúngi oqýshy qyzdyń óliminen keıin tórt adam qamaýǵa alyndy, dep habarlaıdy QazAqparat tilshisi.

12 jastaǵy Lola Davıeniń qazasy Frantsııada qoǵamdyq rezonans týdyrdy, dep jazdy jergilikti BAQ.

Belgili bolǵandaı, qyz kolledjden úıine qaıtyp kele jatqan. Boıjetken úıine oralmaǵan soń, anasy Delfına áleýmettik jelide joǵalǵan qyzyn tabýǵa kómek suraǵan.

«Bizdiń qyzymyz Lolany sońǵy ret saǵat 15:20 kezinde úıde beıtanys áıelmen kórgen» dep jazdy. Sol úıde qaraýyl bolyp jumys isteıtin Lolanyń ákesi polıtsııaǵa qyzyn jasy 20-lar shamasyndaǵy áıelmen birge beınebaqylaý kamerasynan kórgenin aıtqan. Keıin áıeldiń úıden chemodanmen shyǵyp bara jatqanyn kórgender bar. Qyzdyń denesi ózi turatyn on qabatty úıdiń jertólesinen tabyldy. Denesine «1» jáne «0» sandary jazylǵan.

Tergeýshilerdiń málimetinshe, qyzdy býyndyryp óltirgen. Jedel-tergeý toby atyshýly qylmystyń sebepterin anyqtaý boıynsha sharalar qabyldaýda.