Parıjde 1 qyrkúıekten bastap elektr samokattarǵa tyıym salyndy
ASTANA. QazAqparat – 1 qyrkúıekten bastap Parıj kóshelerinde jalǵa beriletin elektr samokattarǵa tyıym salynady, dep habarlaıdy QazAqparat Euronews-ke silteme jasap.
Frantsııa astanasynyń bıligi bul sheshimdi sáýirdegi daýys berý nátıjelerine sáıkes qabyldady. 1 qyrkúıekten bastap Parıj kóshelerinen jeke kompanııalar jalǵa usynatyn elektr samokattar joıylady.
Sheshim sáýir aıynda Frantsııa astanasynda ótken referendýmnan keıin qabyldandy.
Sodan keıin qala turǵyndarynyń 90%-y elektr samokattarǵa tyıym salýdy qoldap, daýys bergen.
Parıj kóshelerinde osy kólik quraldarynyń 15 myńǵa jýyǵy jalǵa berilgen edi. Tamyz aıynda olardyń sany azaıa bastady.
«Biz ótken jeksenbide samokattarymyzdy alyp tastaı bastadyq. Olardyń sany shamamen 5000 boldy. Biraq birneshe myń velosıpedimiz qalady. Biz kúnine 400-den 500-ge deıin skýterdi keshki onnan tańǵy altyǵa deıin alyp ketip jatyrmyz. Osy úshin qyzmetkerlerdi arnaıy bóldik», - dedi Frantsııadaǵy Tier bólimshesiniń basshysy Kleman Pette.
Parıj osyndaı qatań shara qabyldaǵan alǵashqy eýropalyq qala boldy.
Frantsııa astanasynyń turǵyndary elektr samokattaǵy adamdar jaıaý júrginshilerge kedergi keltiretinin, apatty jaǵdaılar týǵyzatynyn aıtyp, birneshe ret shaǵymdandy.
2022 jyly olardyń saldarynan bolǵan jol-kólik oqıǵasynan 456 adam zardap shegip, úsheýi qaza tapty.
