Parıj jáne Mılan sán aptalyǵynda «Álemdi tańǵaldyrǵan ájeler» jobasy usynylady
ASTANA. KAZINFORM — Eýropanyń eń bedeldi sán sahnalarynyń birinde «Álemdi tańǵaldyrǵan ájeler» atty erekshe mádenı joba kórsetiledi.
Atalǵan joba qatysýshylarynyń jasy – 60 pen 74 aralyǵynda. Olar elimizdiń ártúrli óńirlerinen kastıng arqyly iriktelgen.
Mádenıet jáne aqparat mınıstrligi málimetinshe, Eýropanyń sán sahnasyn baǵyndyrýǵa 20 qatysýshy attanady. Kórsetilimderde olar ulttyq naqyshtaǵy «Aq marjan» toptamasyn usynbaq. Jobanyń avtory – Raýshan Ánýarbekova, tanymal sánger, Eýrazııa Dızaınerler Odaǵynyń múshesi, Ulttyq Dızaınerler Akademııasynyń akademıgi.
Ol qazaqtyń ulttyq dástúrinen shabyttanǵan zamanaýı toptamalarymen tanymal jáne buǵan deıin óz jumystaryn Milan Fashion Week, Paris Fashion Week, Aspara Fashion Week sahnalarynda kórsetken.
«Álemdi tańǵaldyrǵan qazaq ájeleri» jobasy Eýropa sán aptalyǵyna tórtinshi márte qatyspaq. Bıylǵy is-shara Halyqaralyq qarttar kúnine jáne Qazaqstanda dástúrli túrde atalyp ótetin Qarttar aıyna arnalady.
Aıta keteıik, 24 qyrkúıek kúni Parıj qalasyndaǵy ıÝNESKO shtab-páterinde qazaqtyń áıgili kúıshi, kompozıtory, dırıjer Nurǵısa Tilendıevtiń 100 jyldyǵyna arnalǵan «Ǵasyr áýenderi: Tilendıevke taǵzym» atty merekelik kontsert ótedi.
