Parıj turǵyndary qazaqtyń ulttyq taǵamdarynan dám tatty
ASTANA. QazAqparat - 2016 jyly 23-25 qyrkúıekte Parıj qalasynda Frantsııadaǵy Qazaqstan Elshiliginde «Eır Astana» áýe kompanııasynyń qoldaýymen qazaq dıasporasy men «JAAK» jastar qaýymdastyǵynyń (Qazaqstan Dostarynyń Jastar Alıansy) ókilderi «Halyqaralyq gastronomııa aýyly» merekesine qatysty, dep habarlady Qazaqstan Respýblıkasynyń Syrtqy ister mınıstrliginiń baspasóz qyzmeti.
Merekedegi elimizdiń shatyry kıiz úı elementterin paıdalana otyryp, ulttyq kıim, ydys-aıaq, káde syılar, mýzykalyq aspaptar, týrıstik býkletter, kitaptar jáne fotoalbomdar, qazaqstandyq mýzeılerdiń kórkemóner kartınalary arqyly bezendirildi. 
Mereke qonaqtary ulttyq taǵamnan dám tatyp, qazaq dastarhanyndaǵy áralýandylyqty atap ótti.
Qazaqstandyq dıplomattar sharaǵa qatysýshylarǵa Qazaqstannyń 25 jylda jetkizgen jetistikteri, eldiń mádenı san túrliligi, sonymen qatar aldaǵy ýaqytta bolatyn «EKSPO-2017» halyqaralyq mamandandyrylǵan kórmesi jaıynda baıandady.
Stýdentter arasyndaǵy qazaq jastarynyń ókilderi men dıaspora ókilderi qazaqtyń ulttyq bıin bıledi. 
