Parıj tórinde para dzıýdoshylarymyz júlde alady degen senimdemiz – Jandos Qııanov
ASTANA. KAZINFORM – Parıjde ótetin XVII jazǵy Paralımpıada oıyndaryna qazaqstandyq para dzıýdoshylardyń daıyndyǵy jóninde Qazaqstan para dzıýdo quramasynyń bas bapkeri Jandos Qııanov aıtyp berdi.
Onyń aıtýynsha, Halyqaralyq zaǵıptar qaýymdastyǵynyń sheshimi boıynsha Parıj tórinde Qazaqstan atynan 10 para dzıýdoshyǵa júldege talasýǵa múmkindik berildi. Bul Tokıo Paralımpıadasyna barǵan paradzıýdoshylar sanynan kóp. Onda 7 otandasymyz baq synaǵan edi.
«Qazirgi kezde sportshylarymyz aldaǵy aıtýly dodaǵa tyńǵylyqty ázirlenip jatyr. Ókinishke qaraı Halyqaralyq zaǵıptar qaýymdastyǵynyń sheshimimen beldi balýandarymyz, Paralımpıada men álem chempıonattarynda júlde alǵan Oljas Orazalyuly, Amanjol Janbota jáne Ánýar Sarıev medıtsınalyq tekseristen (klassıfıkatsııa) ótpedi. Bul tek bizdiń elge ǵana qatysty emes, sonymen qatar Ázerbaıjan, Iran, Túrkııa, Ózbekstannyń myqty paradzıýdoshylary da tekseristen ótpeı otyr. Endi qalǵan 10 otandasymyz Parıjde elimizdiń kók baıraǵyn jelbiretip, júldeli orynmen oralatynyna senimdimin», - dedi J.Qııanov.
Eske sala keteıik, budan buryn qazaqstandyq paradzıýdoshylardyń 10 lıtsenzııaǵa ıe bolǵanyn jazǵan edik.
