Parıj teatrynda 100-ge tarta kepil ustalýda, elde tótenshe jaǵdaı engiziledi
ASTANA. QazAqparat - Parıjdegi Bataklan teatrynda keminde 100 adam kepildikke alyndy. Frantsýz astanasyndaǵy birneshe shabýyldar serııasy saldarynan keminde 35 adam qazaǵa ushyrady, dep habarlady Bı-bı-sı.
Kontsert zalyndaǵy atys kalıfornııalyq Eagles of Death Metal rok tobynyń kontserti ótip jatqan bir saǵattan soń bastaldy.
Shabýyl jasaýshylardyń sany týraly málimetter ártúrli, keıbir BAQ-tar bir-eki, basqalary - bes-alty adam týraly habarlaıdy.
Frantsýz jýrnalısi kepilge alý kezinde shabýyl jasaýshylar Sırııa týraly áńgime qozǵaǵan degendi aıtty.
Sondaı-aq birneshe ondaǵan adam Parıjdegi birneshe shabýyldar, sondaı-aq frantsýz astanasy mańyndaǵy Stad de Frans stadıonyndaǵy jarylystar saldarynan qazaǵa ushyrady.
Petit Cambodge meıramhanasynda qarýly adam avtomattan oq jaýdyrǵan.
Liberation gazetiniń málimetteri boıynsha, atys saldarynan tórt adam mert bolǵan. Bı-bı-sı jýrnalısi oqıǵa ornynan jolda ólip jatqan nemese eleýli jaraqattanǵan 10 adamdy kórip turǵanyn habarlaǵan.
Frantsııa men Germanııa arasyndaǵy match ótip jatqan Stad de Frans stadıonynyń mańynda úsh jarylys bolǵan.
Matchty tamashalaýǵa Frantsııa prezıdenti Fransýa Olland qatysqany, onyń qaýipsiz jerge kóshirilgeni habarlandy. Ol shabýyldarǵa baılanysty shuǵyl keńes ótkizýde.
Keıinirek TASS Frantsııa prezıdenti Fransýa Olland Frantsııada shuǵyl jaǵdaı engiziletinin, shekaralar jabylatynyn jarııalaǵanyn habarlady.
