Parıj prokýratýrasy H áleýmettik jelisine qarsy qylmystyq is qozǵady

ASTANA. KAZINFORM — Parıj prokýratýrasy X áleýmettik jelisine (burynǵy Twitter) algorıtmderdi manıpýlıatsııalaǵany úshin qylmystyq is qozǵady, dep habarlady Politico. 

Parıj prokýratýrasynyń basshysy Laýra Bekkonyń aıtýynsha, tergeý 9 shildede bastalyp, ony kıberqylmyspen kúres departamenti basqaryp otyr. Ol zańdy tulǵa retinde X-ke de, platformany basqarýǵa qatysatyn jeke tulǵalarǵa da baǵyttalǵan.

Buǵan frantsýz depýtaty men memlekettik qyzmetkerdiń shaǵymdary sebep bolǵan. Materıaldarda Ilon Masktyń aty atalmasa da, tergeý platformany mıllıarder 2022 jyly satyp alǵannan keıingi qyzmetine qatysty ekenin aıta ketken jón.

Qańtar aıynyń basynda frantsýz quqyq qorǵaý organdary men memlekettik organdary tergeý júrgizdi. Onda X platformasy Frantsııadaǵy demokratııalyq pikirtalastardy burmalap kórsetetin úlken kólemde jekkórýshilik, násilshildik jáne gomofobııalyq kontent taratqany úshin aıyptalǵan.

Eske sala keteıik, buǵan deıin Ilon Mask Donald Tramp saıasatynyń kesirinen baılyǵynyń tórtten birin joǵaltqany jaıly jazǵan edik.