Parıj paralımpıadasynda jeńil atletıkadan el namysyn 4 sportshy qorǵaıdy

ASTANA. KAZINFORM — Parıj paralımpıada oıyndarynda jeńil atletıkadan Qazaqstan namysyn kimderdiń qorǵaıtyny anyqtaldy.

Dene múmkindikteri shekteýli tulǵalarǵa arnalǵan sporttyq daıarlaý ortalyǵynan málim etkendeı, Parıjge jeńil atletıkadan 4 para sportshy barady.

Atap aıtqanda, Saltanat Ábilqasymqyzy, Dastan Muqashbekov, Jolaman Elaman jáne Gúlbaqyt Qaıyrjanova jarys jolyna shyǵady. 

2024 jylǵy Parıj Paralımpıada oıyndary 28 tamyz - 8 qyrkúıek aralyǵynda ótedi. Oıyndardyń bastalýyna 30 kún qaldy.

Eske sala keteıik, budan buryn qazaqstandyq paradzıýdoshylardyń 10 lıtsenzııaǵa ıe bolǵanyn jazǵan edik.