Parıj Olımpıadasyn uıymdastyrý komıtetinde tintý júrdi

ASTANA. QazAqparat – Parıj Olımpıadasyna 402 kún qalǵanda olımpıada oıyndaryn uıymdastyrý komıtetine tintý júrgizildi, dep habarlaıdy QazAqparat Euronews agenttigine silteme jasap.

Ol zańsyz paıda tappaq boldy degen kúdikpen júrgizilgen eki aldyn ala tergeý aıasynda boldy.

Tergeý oıyndy uıymdastyrý barysyndaǵy kelisimsharttarǵa qatysty júrip jatyr.

2024 jylǵy Parıj Olımpıadasyn uıymdastyrý komıtetiniń shtab-páteri men Olımpıada ınfraqurylymyn júzege asyrýǵa jaýap beretin kompanııada (Solideo) tintý júrdi.

AFP jazýynsha, 2021 jyldyń sáýirinde Frantsııa jemqorlyqqa qarsy kúres agenttiginiń Olımpıada oıyndaryn uıymdastyrý týraly eki esebinde Olımpıada bedeline nuqsan keltiretin «adaldyqty buzý qaýpi» jáne «múddeler qaqtyǵysy» bar ekeni kórsetilgen.

AFA ınspektorlary «baqylaýǵa kelmeıtin múddeler qaqtyǵysy bolǵanyn» anyqtady.

2024 jylǵy Olımpıada oıyndary 26 shilde men 11 tamyz aralyǵynda Parıjde ótedi.