Nazym Qyzaıbaı referendýmda azamattyq ustanymyn bildirdi

ALMATY. KAZINFORM — 2024 jyly Parıjde ótken Olımpıada oıyndarynyń qola júldegeri, úsh dúrkin álem chempıony Nazym Qyzaıbaı referendýmda daýys berdi.

Sportshy Avtomobıl jáne sán ındýstrııasy kolledjinde ornalasqan № 168 referendým ýchaskesine kelip, óz tańdaýyn jasady. Onyń aıtýynsha, mundaı mańyzdy saıası naýqanda halyqtyń belsendi bolýy memleket damýy úshin mańyzdy.

— Búgin saılaý ýchaskesine kelip, tańdaý jasadym. Osyndaı mańyzdy saıası naýqandarǵa qatysý — ár azamattyń el bolashaǵyna beıjaı qaramaıtynyn kórsetedi dep oılaımyn. Árqaısymyz memleketimizdiń damýyna qatysty bastamalarǵa pikirimizdi bildirip, belsendi bolýymyz qajet, — dedi Nazym Qyzaıbaı.

Olımpıada chempıony halyqaralyq arenada el namysyn qorǵaýmen qatar, qoǵam ómirindegi mańyzdy oqıǵalarǵa atsalysý — úlken jaýapkershilik ekenin atap ótti.

— Biz sportshylar halyqaralyq jarystarda elimizdiń namysyn qorǵap, kók týymyzdy bıikte jelbiretýge tyrysamyz. Al el ishinde ótetin osyndaı mańyzdy kúnderi azamattyq pozıtsııamyzdy bildirip, tańdaý jasaý da mańyzdy dep esepteımin. Sondyqtan búgin daýys berý men úshin úlken jaýapkershilik, — dedi ol.

Eske salaıyq, elimizdegi barlyq ýchaskede daýys berý júrip jatyr.