Parıj Olımpıadasynyń lıtsenzııasyna talasatyn mergenderimiz anyqtaldy

Kýveıt astanasynda stend atýdan Parıj Olımpıadasyna joldama sarapqa salynatyn Azııa chempıonatyna qatysatyn Qazaqstan ulttyq quramasy belgili boldy, dep habarlaıdy Kazinform. 

QR Týrızm jáne sport mınıstrligi Sportty damytý dırektsııasynyń baspasóz qyzmeti málim etkendeı, atalǵan Saryqurlyq dodasy 12-22 qańtar aralyǵynda ótedi. Atalǵan Azııa birinshiliginde kele jatqan Parıj Olımpıadasynyń 8 lıtsenzııasy sarapqa salynady. ıAǵnı, ár jattyǵý túrinde eki joldamadan beriledi. Bul jarysta Qazaqstan quramasy da baq synap, Olımpıada joldamasyna talasady. 

Skıt baǵdarlamasy: Ásem Orynbaı, Olga Panarına, Zoıa Kravchenko, Edýard Eşenko, Aleksandr Eşenko, Aleksandr Mýhamedalıev, Ilıa Penkov, Maksım Pochıvalov, Ratmır Enıkeev;

Trap baǵdarlamasy: Aıjan Dosmaǵambetova, Marııa Dmıtrıenko, Anastasııa Prılepına, Maksım Bedarev, Álisher Aısalbaev, Vıktor Hasıanov, Bogdan Konchenko, Nıkıta Moıseev, Nıkıta Chıkýlaev.

Bas bapker – Sergeı Kolos.

Jalpy chempıonatqa 40 memleketten 500-den astam mergen qatysady. Jarysty Halyqaralyq nysana kózdeý federatsııasy tikeleı efırde kórsetedi.

Esterińizge sala keteıik, jarty jyldaı ýaqyt qalǵan basty dodaǵa el quramasy qazirge deıin sporttyń 8 túri boıynsha 17 lıtsenzııa alyp úlgerdi.

Atap aıtsaq, qazaqstandyq sportshylar jańa jylǵa deıin sadaq atý, veloshosse, oq atý, qazirgi bessaıys, grek-rım jáne erkin kúres, boks jáne sporttyq gımnastıkadan joldama jeńip aldy.

Parıjdegi Olımpıada oıyndary osy jyldyń 26 shildesi men 11 tamyzy aralyǵynda ótedi.