Parıj Olımpıadasynda amerıkalyq sportshy Sımon Baılz ańyzǵa aınalǵan ádisin qaıtalady
ASTANA. KAZINFORM – AQSh namysyn qorǵaǵan tanymal gımnast Sımon Baılz «ıÝrchenko» ádisin (eki ret artqa sekirý) sátti oryndap, Olımpıadanyń 6 dúrkin chempıony atandy.
Mamandar KSRO sportshysy Natalıa ıÝrchenkonyń atymen atalyp ketken sekirý ádisin Baılz jetildire túsip, odan saıyn kúrdeli ádiske aınaldyrǵanyn aıtyp otyr. Sáıkesinshe, qazir bul ádis Baılzdyń esimimen atalyp júr. Ony tipti, erler de oryndaýǵa júreksinedi eken.
Baılz bul erekshe ádisti buǵan deıin 2023 jyly Belgııanyń Antverpen qalasynda ótken gımnastıkadan álem chempıonatynda oryndaǵan bolatyn. Endi, mine, araǵa bir jyl salyp sátti ádis Parıj Olımpıadasynyń altynyn syılady.
Amerıkalyq atlet baǵdarlamanyń tórt túrinen 59,131 upaı jınady. Brazılııalyq Rebeka Andrade (57,932) kúmispen kúptelse, Tokıo Olımpıadasynyń chempıony amerıkalyq Sýnısa Lı (56,465) qolaǵa qol jetkizdi.
