Parıj Olımpıadasynda 800 dana jalǵan medal satpaq bolǵan adam ustaldy
PARIJ. KAZINFORM — Frantsııada ótip jatqan jazǵy Olımpıada oıyndarynda Parıj Olımpıadasynyń logotıpi beınelengen jalǵan medal satqan brazılııalyq azamat ustaldy. Bul týraly Le Parisien basylymy habarlady.
Habarǵa sáıkes, 23 shildede Olımpıada oıyndarynyń ashylýyna birneshe kún qalǵanda Parıjdiń 12-shi aýdanyndaǵy kóshelerdiń birinde Brazılııadan kelgen 39 jastaǵy kúdikti paramen ustalǵan.
Ustaý kezinde qylmyskerden 11 jasandy medal jáne jalǵan 500 eýrolyq banknot tabylǵan.
Tergeýshiler onyń jaldamaly páterin tintý kezinde 198 baýly medal, 666 baýsyz medal, 655 zergerlik buıym jáne «Parıj 2024» emblemasy bar 727 baý tapty.
Sondaı-aq 1340 eýro qolma-qol aqsha tabylǵan.
Buǵan deıin Parıjde Olımpıada oıyndaryna jalǵan bılet satý boıynsha alty is qozǵalǵan.
Týrıster men jergilikti turǵyndar alaıaqtyq týraly polıtsııaǵa habar bergen.
Mysaly, 19 jastaǵy boıjetken jalǵan saıttan tapqan jalǵan QR kody bar bıletterge 870 eýro tólegen.
Polıtsııa bólimshesine kóptegen sportshylar men jattyqtyrýshylar da jeke zattarynyń joǵaltqanyn aıtyp shaǵymdanǵan.
Aıtalyq, japon regbı oıynshysy áshekeı buıymdaryn jáne páterinde saqtalǵan 3 myń eýrony joǵaltqan.
Aıta keteıik, Rýmynııa premeri Olımpıadanyń jabylý rásimine boıkot jarııalamaq.
