Parıj Olımpıadasyna qatysqan alǵashqy áıel kim
ASTANA. KAZINFORM – Parıj Olımpıadasy kún sanap jaqyndap keledi. Osy oraıda, Sportty damytý dırektsııasy Frantsııa týraly qyzyqty faktilerdiń birin jarııalady. Osydan týra 124 jyl buryn Parıj Olımpıadasynda synǵa túsken alǵashqy áıel sportshynyń kim ekeni anyqtaldy.
1900 jyly Parıj Olımpıadasynda alǵash ret áıelderge qatysýǵa múmkindik berildi. 5 aıǵa jalǵasqan (14 mamyr - 28 qazan) jarysta shveıtsarııalyq Elen de Pýrtale jelkendi sporttan komandalyq saıysta óner kórsetip, kúıeýimen birge chempıon atanǵan.
Sol sátte áıelderge tek úlken tennıs pen golftan ǵana júlde (2,2%) sarapqa salynǵan.
Mine, bıyl, ıaǵnı 2024 jylǵy Parıj Olımpıadasynda erler men áıelderdiń úlesi alǵash ret 50/50% bolyp otyr.
Olımpıadalar tizilimindegi erler men áıelder úlesi:
Al, bıylǵy Olımpıada oıyndarynda Qazaqstannan synǵa túsetin sportshylar arasynda erlerdiń úlesi - 67,5 paıyz, áıelderdiń úlesi - 32,5 paıyz.
Esterińizge sala keteıik, Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady. Qazaq sportshylary qandaı sport túrlerinen synǵa túsetinin myna silteme arqyly ótip bile alasyz.
XXXIII jazǵy Olımpıada oıyndaryna eń kóp joldamany qaı óńirdiń sportshylary jeńip alǵany belgili boldy.
