Parıj olımpıadasyna qatysatyn Qazaqstan tennıs quramasy anyqtaldy

ASTANA. KAZINFORM – Parıjdegi XXXIII jazǵy olımpıada oıyndaryna qatysatyn Qazaqstan tennıs quramasy anyqtaldy.

Qazaqstan tennıs federatsııasynan málim etkenindeı, quramdy jasaqtaý olımpıada reglamenti negizinde júrgizildi. Oıynshylardyń ATP jáne WTA álemdik reıtıngterindegi jeke oryndary oıyndarǵa qatysýǵa ruqsat berýdiń negizgi biliktilik krıterııi retinde esepteldi.

Osylaısha, bıyl olımpıadalyq tennıs jarysynda Qazaqstannyń namysyn jekeleı synda Elena Rybakına (№4), ıÝlııa Pýtıntseva (№34), Aleksandr Býblık (№23) jáne Aleksandr Shevchenko (№58), juptyq synda Aleksandr Býblık – Aleksandr Nedovesov qorǵaıtyn bolady.

Aldaǵy olımpıadada álemniń 58-raketkasy Aleksandr Shevchenko Qazaqstan tennıs quramasy sapynda alǵash ret óner kórsetedi. Halyqaralyq tennıs federatsııasy (ITF) A.Shevchenkonyń Qazaqstanmen burynnan bar mádenı jáne otbasylyq baılanystaryn, sondaı-aq anasynyń Jezqazǵan qalasynyń týmasy ekenin eskerip, oǵan elimizdiń týy astynda óner kórsetýge ruqsat berdi.

Eske sala keteıik, budan buryn Aleksandr Býblıktiń Ýımbldonnyń úshinshi aınalymyna shyqqanyn jazǵan bolatynbyz.