Parıj Olımpıadasy: Nurbek Oralbaıdyń fınaldaǵy qarsylasy anyqtaldy

ASTANA. KAZINFORM - Parıj Olımpıadasynda qazaqstandyq boksshy Nurbek Oralbaıdyń (80 keli) fınaldaǵy qarsylasy anyqtaldy.

Qazaqstandyq boksshy fınalda ýkraınalyq Aleksandr Hıjnıakpen qolǵap túıistiredi. Qarsylasy Tokıo Olımpıadasynda kúmis júldeger atansa, 2017 jyly ádem chempıonatynda top jarǵan. 

Eýropa chempıony ataǵyn birneshe márte jeńip alǵan.              

Nurbek Oralbaı jartylaı fınalda Domınıkan Respýblıkasynan kelgen bylǵary qolǵap sheberi Krıstıan Haver Pınalesti 3:2 esebimen jeńdi.

Nurbek osyǵan deıin ázerbaıjandyq Mýrad Allahverdıev, aýstralııalyq Kallým Pıtersten basym túsken edi.

Sondaı-aq, Narıman Qurbanov Parıj Olımpıadasynda sporttyq gımnastıkanyń at snarıadyndaǵy jattyǵýda kúmis júldege qol jetkizdi.

Otandasymyz aqtyq synda 15.443 upaı aldy. Osylaısha, Narıman elimizge sporttyq gımnastıkadan Olımpıadanyń alǵashqy medalin syılady.