Parıj Olımpıadasy medaldary neden jasalǵan
ASTANA. KAZINFORM — Frantsııa astanasy Parıj qalasynda ótetin XXXIII jazǵy Olımpıada oıyndarynda jeńimpazdar men júldegerlerge beriletin medaldar neden jasalǵany belgili boldy.
Naqtyraq aıtsaq, medaldar buryn jóndeý jumystary kezinde alynǵan Eıfel munarasynyń túpnusqa synyqtarynyń balqymasynan jasalǵan.
Altyburysh pishininde jasalǵan bóliktiń ortasynda Jazǵy Olımpıada oıyndarynyń logotıpi tur. Altyburysh – Frantsııanyń kartasy.
Medaldyń artqy jaǵynda grekter úshin jeńis qudaıy sanalatyn Nıka, Afınadaǵy Akropol jáne Eıfel munarasy beınelengen.
Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 92 joldama jeńip aldy.
Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.
