Parıj Olımpıadasy: Gennadıı Golovkın bokstan jarys kúnin ashyp berdi

ASTANA. KAZINFORM — Qazaqstan Ulttyq Olımpıadalyq komıtetiniń prezıdenti Gennadıı Golovkın bokstan Olımpıada oıyndarynyń kezekti jarys kúnin ashyp berdi, dep jazdy Olympic.kz. 

2024 jylǵy Parıj Olımpıadasyn uıymdastyrýshylar dańqty qazaqstandyq sportshyǵa qurmet kórsetip, 31 shildedegi boks básekesin ashý mártebesin usyndy.

Gennadıı Golovkın aǵash taıaqpen edendi úsh ret uryp, jekpe-jekterdiń bastalǵanyn habarlady.

Bul 2024 jylǵy Olımpıada oıyndaryna engizilgen basty jańalyqtardyń biri. Uıymdastyrýshylar Frantsııanyń mádenı dástúrlerine basymdyq bere otyryp, teatr men sportty birikterýge umtylǵan.

Atalǵan dástúr kópshilikti sportshylardyń ónerine úlken qurmetpen qaraýǵa shaqyrady.

Úsh soqqy kórermenderdi árbir oqıǵanyń jankúıer qurmetine laıyq ekenin eske salady jáne úsh soqqy oryndalǵan kezde teatrdaǵy sekildi, trıbýnaǵa jınalǵan jankúıerler de bir mınýt únsizdik saqtaýy kerek.