«Parıj-Nıtstsa» kópkúndigi: «Astana» velokomandasy úzdik ondyqtyń qatarynda keledi
ASTANA. QazAqparat - Velosporttan «Parıj-Nıtstsa» kópkúndigi sharyqtaý shegine jetti. Ázirge «Astana» velokomandasynyń sportshylary úzdik ondyqtyń qatarynda júr, dep habarlaıdy khabar.kz.
179 shaqyrymǵa sozylǵan úshinshi kezeńde avstralııalyq Maıkl Mettıýstyń baǵy jandy. Ekinshi bolyp máre syzyǵyn ıtalııalyq Davıd Chımolaı qıdy. Onyń otandasy Nıtstsolo Djakomo úshinshi orynǵa ıe boldy. «Astana» sapynan Lýıs Leon Sanches kózge tústi. Ispan jigiti 22-shi orynda kezeńdi aıaqtap, jalpy eseptegi altynshy ornyn saqtap qaldy.
Qazir Sanches úshinshi kezeńnen keıin top bastaǵan Maıkl Mettıýsten alty sekýndqa qalyp keledi. «Parıj-Nıtstsa» kópkúndigi 15-shi naýryzda jekeleı syndaǵy jaryspen aıaqtalady.
