Parıj murajaıynan Matıss pen Pıkasso týyndylaryn urlaǵan úsh adam ustaldy
ASTANA. 3 qazan. QazAqparat - Parıjde Qazirgi zaman óneri murajaıynan 2010 jyly mamyrda kartınalar iri urlyǵyna baılanysty úsh adam ustaldy, Bul týraly frantsýz ókimetiniń ókiline silteme jasap Agence France-Presse habarlady.
Kúdiktiler 16 qyrkúıekten beri qamaýda, alaıda olardyń ustalǵany endi ǵana jarııalanyp otyr. Urlyqqa qatysy bolýy múmkin ustalǵan bir áıel men eki er adam urlanǵan sýretterdiń qaıda saqtalǵanyn bilýi tıis, delingen habarlamada.
Murajaıdan uly sýretkerler Anrı Matısstyń, Pablo Pıkassonyń, Jorj Braktyń, Fernan Lejeniń jáne Amodeo Modılıanıdiń bes jumysy qoldy bolǵan. Sýretterdiń qaıda ekeni áli belgisiz kúıde qalyp otyr. Urlanǵan kartınalardyń jalpy quny 100 mıllıon eýrony quraıdy.
Parıjde Qazirgi zaman óneri murajaıynan kartınalardyń urlanǵany 2010 jylǵy 20 mamyrda belgili boldy. Baqylaý kameralaryndaǵy jazbalarǵa qaraǵanda, murajaıǵa bir ǵana ury túnde terezeden túsip, sýretterdi alyp, iz jasyrǵan. Keıinnen urlyq kezinde murajaıdyń keıbir kúzet júıesi jumys istemeı qalǵany belgili boldy.
