Parıj metrosyndaǵy qylmystyq oqıǵaǵa baılanysty kúdikti qamaýǵa alyndy

ASTANA. KAZINFORM – Úsh áıel jeńil jaraqat aldy. Val-d'Ýaz polıtsııasy elden ketýge buıryq berilgen kúdiktini, Malı azamatyn ustady, dep habarlaıdy Kazinform euronews.com saıtyna silteme jasap.

Polıtsııa kúdiktini keshki saǵat 19.00 shamasynda Parıjdiń shetindegi Val-d’Ýaz qalasynda ustady. 

Parıj metrosynda 16:15 pen 16:45 aralyǵynda úsh pyshaqpen shabýyl jasaǵan er adam qashyp ketti. 

Atalǵan oqıaǵadan úsh áıel jeńil jaraqat aldy. 

Parıj prokýratýrasynyń habarlaýynsha, polıtsııa kúdiktini ustaý úshin onyń telefonynyń geolokatsııasyn anyqtaǵan. 

Іshki ister mınıstrliginiń baspasóz habarlamasynda shabýylǵa qatysy bar kúdiktiniń «Malı azamattyǵy» jáne «zańsyz turǵylyqty jeri» ekeni aıtylǵan. Ol 2024 jyldyń qańtarynda «aýyr tonaý jáne jynystyq zorlyq-zombylyq jasaǵany úshin» qamaýǵa alynǵan bolatyn. 

Kúdikti qamaýdan ótken jyldyń shilde aıynda bosatylyp, oǵan Frantsııadan ketýge buıryq berilgen.

Іshki ister mınıstri Loran Nýnes «kúdiktini sátti deportatsııalaý múmkin bolmaǵanyna ókinedi». Jaramdy jeke basyn kýálandyratyn qujattary men konsýldyq ruqsat qaǵazynyń bolmaýyna baılanysty er adam úıqamaqqa shyǵaryldy.

Eske sala keteıik, Parıj metrosynda úsh áıel jaraqat alǵanyn jazǵan edik.