Parıj metrosynda úsh áıel jaraqat aldy

ASTANA. KAZINFORM — Frantsııanyń astanasyndaǵy metronyń úsh stantsııasynda er adam áıelderge shabýyl jasady. Kúdikti buǵan deıin bireýdiń múlkine zııan keltirgeni úshin qamaýda bolǵan, dep habarlaıdy Euronews.

Quqyq qorǵaý organdarynyń málimetinshe, shabýyl 16:15 pen 16:45 aralyǵynda Arts-et-Métiers, République jáne Opéra stantsııalarynda bolǵan. Zardap shekkenderge medıtsınalyq kómek kórsetilgen, olardyń ómirine qaýip tónip turǵan joq.

Beınebaqylaý kameralary arqyly kúdikti tez arada anyqtaldy. Polıtsııa 25 jastaǵy jigittiń buǵan deıin isti bolǵanyn aıtty.

Parıj prokýratýrasynyń habarlaýynsha, buǵan deıin oǵan múlikke zalal keltirgeni úshin aıyp taǵylǵan.

Onyń ornalasqan jeri uıaly telefon sıgnaly arqyly anyqtaldy. Ol Sarsel qalasynda tutqyndaldy.

Frantsııanyń ishki ister mınıstri Loran Nýnes polıtsııanyń jedel áreketin joǵary baǵalady. Josparlanǵan is-qımyl arqyly kúdikti tez qolǵa tústi. Qazirgi tańda tergeý júrip, oqıǵanyń mán-jaıy anyqtalyp jatyr.

Aıta keteıik, Anglııada poıyzda belgisiz bireý adamdarǵa pyshaqpen shabýyldaǵan. Bul oqıǵada 10 adam jaraqat aldy.