Parıj meri qyzmetine tuńǵysh ret áıel saılanýy yqtımal
ASTANA. 4 maýsym. QazAqparat - Kelesi jylǵy saılaýdan keıin Parıj meri laýazymyna áıel saılanýy múmkin.
Óıtkeni oǵan kandıdat retinde «Halyqtyq qozǵalys úshin odaq» partııasynan Frantsııanyń burynǵy energetıka jáne ekologııa mınıstri Natalı Kostsıýshko-Morıze usynylyp otyr. Ol Sotsıalıstik partııanyń úmitkeri Anna Idalgomen atalmysh laýazym úshin baq synaspaq. Bul týraly jergilikti BAQ habarlaıdy.
Júrgizilgen saýalnamalarǵa júginsek, eki úmitkerdiń de múmkindigi shamalas. Frantsııada Parıj meri saılaýǵa túsetin mańyzdy qyzmetterdiń biri bolyp tabylady. El tarıhynda bul laýazymda eshqashanda áıel bolmaǵan.
