Parıj mańyndaǵy polıtsııa bólimshesine birneshe ondaǵan adam shabýyl jasady
PARIJ.QazAqparat – Parıjdiń batysyndaǵy Shampını-sıýr-Marn kommýnasyndaǵy polıtsııa komıssarıatyna armatýra jáne pırotehnıkamen qarýlanǵan belgisiz bireýler shabýyl jasap, ǵımarat pen jaqyn mańdaǵy kólikterge zaqym keltirgen. Kommýnanyń meri Loran Jan jeksenbide CNews telearnasyndaǵy efırde shabýylǵa qyryqqa jýyq adam qatysqanyn málimdedi, dep habarlaıdy QazAqparat.
«Eki polıtsııa qyzmetkeri tún ortasynda komıssarıattyń kireberisi aldynda temeki shegip turǵan kezde armatýramen qarýlanǵan 40 shaqty jas jigit shyǵa kelgen. Olar ǵımaratqa kirýge árekettengen. Qaıǵyly jaǵdaıdyń aldyn aldyq, qyzmetkerler ishke kirip úlgerdi», - dedi ol.
Merdiń aıtýynsha, shabýyl jasaǵandar 10 mınýttaı alańǵa otshashýlar atqan, olardyń shoqtary búkil aýmaqqa shashyrap ketken. Telearnanyń efırinde kórsetilgen kadrlarǵa qaraǵanda, pırotehnıkalyq jáne basqa da zattarmen atqylaý saldarynan aldyńǵy esiktiń terezeleri men áınekteri synǵan, ǵımarat aldyndaǵy avtoturaqtaǵy birneshe kólik órtenip ketken. Polıtseılerdiń eshqaısysy zardap shekken joq.
Qazir shabýylǵa qatysty tergeý júrgizilýde. Ázirge bılik bul oqıǵaǵa naqty qansha adamnyń qatysy baryn anyqtaı almaı jatyr.
