Parıj mańynda er adam kólikten oq atty
ASTANA. KAZINFORM — Búgin Parıj mańyndaǵy Ivelın departamentinde er adam Trapp jáne La-Verer qalalarynyń kóshelerinde júrip kele jatqan kólikten oq atty. Aldyn ala málimet boıynsha, bir adam qaza taýyp, keminde tórt adam jaraqat aldy. Zardap shekkenderdiń arasynda 12 jastaǵy qyz bar.
Kúdikti ustaldy. Oqıǵa tańǵy saǵat 10:30 shamasynda bolǵan. Frantsýz BAQ-tarynyń málimetinshe, 39 jastaǵy er adam kórshiles eki kommýnada ár jerden avtomatty qarýdan oq atqan. Onyń Sten úlgisindegi tapansha-pýlemet qoldanǵany habarlandy. Shabýylshy naqty nysanany tańdamaı, beı-bereket oq jaýdyrǵan.
Qaza tapqan adam — alǵan jaraqatynan kóz jumǵan 26 jastaǵy er adam. Al 12 jastaǵy qyz birneshe jerinen oq jaraqatyn alǵan. Qalǵan zardap shekkender aýrýhanaǵa jetkizildi.
Kúdiktini polıtsııa kórshiles Kýaner kommýnasynda kóp uzamaı ustady. Ol qamaýǵa alyndy. Іshki ister mınıstri Loran Nýnes bolǵan oqıǵany «asa aýyr oqıǵa» dep atap, oqıǵa ornyna bardy.
Prezıdent Emmanýel Makron qaza tapqan adam men zardap shekkenderdiń jaqyndaryna qaıǵyryp kóńil aıtty.
Ulttyq terrorızmge qarsy prokýratýra (PNAT) isti óz baqylaýyna alyp, adam óltirý jáne «terrorızm áreketine baılanysty» adam óltirýge oqtalý baptary boıynsha tergeý bastady. Sondaı-aq qylmysty aýyrlatatyn mán-jaı retinde jábirlenýshilerdiń belgili bir násilge, etnıkalyq topqa, ultqa nemese dinge jatatyndyǵyna baılanysty shabýyl jasalǵan bolýy múmkin degen nusqa qarastyrylyp jatyr. Budan bólek, A sanatyndaǵy qarýdy zańsyz saqtaýǵa qatysty tergeý júrgiziledi.
Qazirgi ýaqytta shabýylshynyń áreketine ne sebep bolǵany resmı túrde anyqtalǵan joq. Tergeý jalǵasyp jatyr. Qaza tapqandar men zardap shekkender sany naqtylanýy múmkin.
Eske salaıyq, buǵan deıin Iordanııada jerleý rásimi kezinde shirkeýde atys bolǵanyn habarlaǵanbyz.
