Parıj kóshesin jolbarys kezip júrdi
ASTANA. QazAqparat - Parıjdiń 15-okrýginde ornalasqan kóshpeli tsırktiń jolbarysy qashyp ketti. Jyrtqyshty qala ortalyǵynda atyp óltirdi, dep habarlaıdy Sky News .
Eki jasar jolbarys Bormann-Moreno tsırkine tıesili bolǵan. Jyrtqysh qala ortalyǵyna bet alǵan kezinde tsırk jumyskerleri ony alystan atyp óltirdi.
Qala ákimshiligi jyrtqyshtyń bostandyqta júrgeninen habardar bolǵan soń birqatar shuǵyl sharalardy qolǵa aldy. Osy aýdandaǵy tramvaı jelisi toqtatylyp, kóshege qosymsha polıtsııa jasaǵy shyǵaryldy.
Jolbarys tramvaı jelisine kelip, relsterdi ıiskelep júrgen. Sol kezde oǵan oq tıgen.
Tártip saqshylarynyń aıtýynsha, jyrtqysh eshkimge shabýyl jasap úlgermegen.
